食出日本 feel 的霸嗎拉麵

好耐無去銅鑼灣食嘢﹐今日專登去搵下有咩好食﹐行到時代廣場附近有間叫 Ramen Bari-Uma 門面裝修有D日本 feel, 引起我好懷念去日本時食的日本麵﹐於是入店試下﹐看看可5可以尋回當時食麵的味道。我比較喜歡食辣所以order 左辛辣炙燒豚肉味玉拉麵﹐而老公叫左個濃厚豬骨豚肉子拉麵﹐麵到了﹐塊豚肉好厚好大﹐口感好正﹐肥瘦比例岩岩好﹐豚肉又香又林﹐碗麵有隻雞蛋係且係流心的﹐湯底濃味十足﹐湯底有辣有唔辣﹐辛辣可分大/中/小 3個級別的﹐而且麵質還可選擇軟、適中、硬﹐配料可少油、少蒽、走蒽或走筍全由客人自行選擇﹐整體都好正﹐真係好似去左日本食甘正﹐呢餐食得好有滿足感。

官塘午膳不錯的選擇

昨天偷懶沒有準備今日午餐﹐只好找同事陪同找地方午膳﹐官塘區都算多選擇﹐不過人也多﹐同事推薦位於鴻圖道呢間” More”﹐佢話呢間餐廳以東南亞美食為主﹐而每個星期都會轉換一下餐牌上的食物﹐可以給食客有新鮮感。這間店座位不多﹐每個坐位距離都相當近﹐所以交談時都要比較細聲一點﹐不然會嘈到別枱的食客。

坐低左看看 menu 都有很多選擇﹐泰式菜比較多﹐我 order 左辣椒膏蜆肉炒意粉午餐﹐而同事就叫左海南雞湯河餐﹐餐飲我就叫左個特選拼配咖啡﹐個服務員話係本店的重點咖啡喎﹐同事叫左Mocha Coffee, 佢話好好飲﹐所以每次都必飲的喎！午餐有餐湯跟的﹐餐湯係雜菜湯不過味道很淡如白開水﹐碟意粉沒有辣椒膏味﹐不知是否自己很吃得辣﹐感覺一點都不辣﹐而同事碗湯河好大碗還配迷你炸蝦餅2小件﹐海南雞份量也不少﹐柸咖啡都5錯﹐官塘區食店這間都算不俗﹐價錢上合理﹐免收加一服務費的﹐5記得帶錢﹐有八達通都可以﹐這樣很方便。

不公平規定的点心代表

今日同媽咪妹妹一行3人去尖沙咀歷史博物館參觀﹐比媽咪懷舊一番﹐行完肚仔好點餓﹐搵地方嘆過下午茶鬆鬆休息下﹐行到 The One 3樓有間点心代表門面以小生卡通作主題﹐覺得幾得意便入去試一下﹐坐位不多。Memu 好似一本漫畫甘﹐好得意都應該會增加客人的食欲﹐因為離晚飯時間差不多﹐所以隨意order 左幾款點心﹐小新XO醬炒蘿蔔榚、不理不理左衛門芒果糯米飯、大象朱古力流沙包、蛋蛋流沙包、蛋蛋鮮奶撻及白胡椒豬肚雲吞湯﹐後來服務員表示公司規定每人都要order 至少1杯飲品﹐嘿！這是甚麼規矩？雖然感覺不爽無奈都叫左﹐點心如一般其他酒樓的水準差不多﹐只是加了卡通公仔做型增添一些趣味性的吸引﹐每款份量也很少﹐味道上還算可以﹐埋單3個人合共$479﹐嘩！這個下午茶都好貴呀！

The Point 推介香蕉 Pizza

今日星期日老公放假﹐約埋亞女出左旺角逛街﹐之後搵地方食晚飯﹐諗來諗去都無咩主意﹐於是打開 openrice apps 搵下邊間可以 online booking, 又可以有免費泊車﹐終於 book 左尖沙咀 The One 4樓 The Point  7:30pm, 早到左成個鐘﹐服務員都照安排我哋入座﹐帶位個服務好好禮貌及笑容。間店係開放式坐位﹐空間感好舒服﹐打開menu 都有好多選擇﹐我叫左法式香草烤羊架及龍蝦湯、老公 order 澳洲A5和牛西冷牛扒及 White Peal Beer﹐亞女選左香草番茄醬家鄉火雞肉丸長通粉及 lady rose﹐還叫左凱撒沙律及棒棒雞翼配蜜糖燒烤醬。

呢間食物質素不錯﹐可惜凱撒沙律醬汁太少﹐有點干﹐澳洲A5和牛西冷牛扒上枱已經好想食﹐賣相很好﹐食落口感好好﹐法式香草烤羊架都一樣出色﹐肉味重﹐香草番茄醬家鄉火雞肉丸長通粉就一般﹐但棒棒雞翼配蜜糖燒烤醬比我有驚喜﹐肉滑多汁好好味﹐3個都食到飽晒打算結帳﹐服務員話幫我哋落左本店出名的甜品免費請我哋品嚐﹐這個甜品原來係 Banana Heaven一定要推介﹐好正﹐不太甜﹐烤香蕉、棉花糖、朱古子醬加雲呢拿雲榚﹐配搭十分好﹐材料上都是我老公至愛。